Jæja þá er komið nýtt ár með nýjum draumum og væntingum....ein væmin. Alla vegna gleðilegt ár og takk fyrir öll gömlu og góðu. Það er eiginlega fáránlega langt síðan að ég lét í mér heyra hérna á síðunni en svona er þetta bara. Ég ætla samt ekki að hætta með þessa síðu, þó svo að ég ætli ekki að lofa því að verða duglegri að láta í mér heyra á þessu ári.

Þá eru fyrstu jólin og áramótin búin hjá Evu Katrínu og hjá okkur í ´´nýja´´ húsinu. Þetta er búið að vera mjög kósý hjá okkur og frekar rólegt. En við höfðum foreldra mína í mat hjá okkur á Aðfangadagskvöld og allt heppnaðist mjög vel. Á jóladag fórum við í jóla og afmælisboð suður í Hafnarfjörð þar sem að Óli frændi varð 40 ára á sjálfan jóladag, jólabarnið sjálft. Á annan í jólum fórum við svo í boð til tengdó en þar fengum við gæs sem Ási veiddi sjálfur, Frikki var að vonum ánægður með kjötið. Á þriðja í jólum var ætlunin að fara í enn eitt jólaboðið og það hjá fjölskyldu Friðriks en það datt upp fyrir þannig að við vorum bara heima og fengum gesti, þ.e. Gummi bróðir, Erla og Sara komu og fengu jólaís hjá okkur sem rann sko ljúflega niður. Fjórða í jólum eða föstudaginn 28. des. fórum við í 40 ára afmæli óla frænda en þar voru um 100 manns takk fyrir.

Sl. helgi var svo mjög róleg, tengdó komu auðvitað með Evu Katrínu um miðjan laugardag og hún alsæl eftir að hafa verið stjanað við hana í heilan sólarhring. Við fórum svo í göngu og kíktum á foreldra mína. Á sunnudeginum var farið að versla fyrir áramótin og svo komu Eva Ösp og dóttir hennar Natalía Tinna í heimsókn, Evu Katrínu til mikillar gleði.

Á gamlárskvöld vorum við í kalkúna veislu að hætti mömmu, alveg geggjaður matur hann var svo góður að Frikki er hér með búinn að ákveða að hafa kalkún næsta Aðfangadagskvöld Það er ekki slæmt sérstaklega ef það tekst jafnvel og hjá múttu. Á nýársdag var svo búið að plana rólegan dag en það endaði með fjölskylduboði hjá foreldrum mínum þar sem að frænka mín og fjölskyldan hennar búa erlendis en voru á landinu yfir hátíðarnar og komu því í heimsókn.

Ég ætla nú ekki að hafa þetta mikið lengra en af Frikka og hans fyrirtækismálum er það í fréttum að hann er hættur að vinna hjá Íslenskri Erfðagreiningu og er formlega í dag að byrja að vinna fyrir fyrirtækið sitt ásamt 2 öðrum, spennandi. Við erum svo að fara til Tenerife í næstu viku en okkur er nú farið að hlakka ansi mikið til. Núna er bara málið að fara að taka niður jólaskrautið, ná í ferðtöskurnar og pakka niður.....það er ekki leiðinlegt að yfirgefa landið svona í skammdeginu og fara á stað þar sem að er um og yfir 20 gráður alla daga, sól og blíða, hehehe enga öfund. Við förum alla vegna ekki út næsta sumar það er alveg á hreinu.

Hafið það gott á nýju ári

Það hafa verið talsverð veikindi á okkur mæðgunum og er enn en Frikki hefur alveg sloppið hingað til, alveg eins og vanalega. Eva Katrín byrjaði að vera veik fyrir viku síðan og þá með hita og slappleika, síðan fór hún að fá kvef í byrjun vikunar og svo núna er hún komin með hósta ekki gott mál, spurning hvort að við förum með hana til læknis ef hún fer ekki að skána.

Ég byrjaði svo á miðvikudagskvöldið með hita, kvef og beinverki. Ég var svo slæm á fimmtudaginn að Frikki var heima með okkur veiku konunum. Ég er samt öll að koma til þó svo að ég fái nokkrar kommur á kvöldin. Þetta er þó allt í áttina hjá mér, þarf bara að auka við mig astmalyfið og svona.

Ég var einmitt að byrja á Átaksnámskeiði núna í morgun, rosa duglega að mæta þrátt fyrir slappleika. En námskeiðið byrjaði á fimmtudaginn en ég komst nú bara ekki út úr rúminu þann morguninn. Námeskeiðið er 8 vikur og lýkur því ekki fyrr en rétt fyrir jól en það er í World Class hérna í Mosó. Þetta eru lokaðir tímar 3 í viku, alveg upplagt fyrir mig til þess að koma mér af stað en þetta ku vera 4 Átaksnámskeiðið mitt. En ég fór á það fyrsta fyrir 4 árum og þá missti ég 8 kg á 8 vikum, toppárangur enda fékk ég verðlaun fyrir árangur, ótrúlega dugleg. Við sjáum nú til hvernig þetta verður núna, ég er nú ekki með svo hátt markmið núna en ég er þó með markmið sem að ég ætla að ná takk fyrir.

Eva Katrín verður 9 mánaða næsta þriðjudag, stóra stelpan. Hún er sko komin með 6 tennur takk fyrir og er orðin alveg þvílíkt stór og þroskuð að manni finnst Núna fær ekkert að vera í friði, hvort sem um ræðir, föt, bækur, eldhúsáhöld, blóm, tæki og tól. Okkur foreldrunum til mikillar ama, sérstaklega Frikka þegar hún byrjar að snúa tökkunum á magnarnum í sjónvarpsgræjunum, þá hækkar Frikki tóninn en eins og flestir vita er það mjög sjaldgæft hjá Frikka

Af okkur er annars allt ágætt í fréttum, það er búið að vera mikið að gera hjá Frikka í vinnunni og hann hefur verið að vinna alla laugardaga núna sl. mánuð og jafnvel kíkt upp í vinnu á sunnudögum. Þetta verður svona áfram næstu 2 vikurnar og þá fer nú aðeins að róast, alla vegna er hann búinn að lofa mér því að hann vinni ekki um helgar í desember. En það verður mikill lúxus á okkur því að Frikki verður ekki að vinna frá 22. desember 2007 til 1.mars 2008 takk fyrir. Hann mun fyrst fara í jólafrí og síðan tekur fæðingarorlofið við í janúar og febrúar geggjað. Við förum svo í langt frí til Tenerife þann 9. janúar og komum ekki heim fyrr en þann 30. janúar, aðeins viku fyrir 1 árs afmæli prinsessunar. En þá byrjar Eva hjá dagmömmu, ég byrja að vinna en Frikki verður í fæðingarorlofi og verður því í því að aðlaga Evu hjá dagmömmunni og auk þess að vinna í fyrirtækinu sínu, já fyrir þá sem ekki vita er Frikki búinn að stofna fyrirtæki. Þó að ég viti mikið um það mál að þá vil ég ekki tjá mig meira um það heldur ætla ég að leyfa Frikka að segja frá því sjálfur þegar hann hefur áhuga.

Ég ætla að hætta og fá mér hádegismat, góða helgi öll sömul

Eva Katrín er 8 mánaða í dag stóra stelpan mín. Ég var einmitt að spá í það um daginn hvað lífið er breytt eftir að litla krúttan kom í heiminn og núna þrátt fyrir að aðeins 8 mánuðir eru síðan hún kom í heiminn að þá man ég það varla núna hvernig þetta var áður hjá okkur. Jú, jú ég segi það nú ekki, þetta var auðvitað mjög þægilegt að geta farið þangað sem maður vildi þegar það hentaði manni en það að eiga litla stelpu er auðvitað miklu skemmtilegra.

Ég segi það nú bara að ég hefði samt ekki viljað vera mikið yngri þegar ég átti Evu, alla vegna ekki yngri en 25 ára það er alveg á tæru, segir leikskólakennarinn og sérkennarinn. En nei það er einmitt málið aðf því að maður á að kunna þetta og gerir það þannig alla vegna flest sem kemur að uppeldis og félagslegu hliðinni að þá er aftur á móti svo erfitt þegar ég veit að ég er ekki alveg að taka rétt á málunum og svona, æi þið vitið hvað ég meina. Á hinn bógin er Eva að kenna mér meira en margur hefur gert vegna þess hve ákveðin og þar af leiðandi krefjandi líka. Ég var einmitt að pæla í þessu um daginn og það er svolítið til í þessu að þú færð það barn sem þér er treyst til þess að ala upp og ég hugsa að það sé margt rétt í þess Ég skal nú hætta þessu bulli mínu.

Í gær 5. október átti mamma mín afmæli og hún var svo heppin að geta fagnað deginum í ekki minni stórborg en New York takk fyrir. Ég er ekkert lítið öfundsjúk út í hana og pabba að vera þarna úti en þau fóru vikuferð með vinafólki sínu. Í kvöld ætla þau að sjá Mamma Mia sýninguna takk fyrir, geggjað. Iss maður á þetta bara eftir, nógur er tíminn.

Það er mikið um afmæli í fjölskyldunni um þessar mundir, mútta í gær, Vigdís amma á mánudaginn, Afi óli heitinn á miðvikudaginn, Ási tengdapabbi eftir viku og svo að lokum Bergdís svilkona þann 21 þessa mánaðar, s.s. mikið um vogir í kringum mig sem er bara gott mál, þær eru alla jafnan mjög þægilegt fólk 

Verð að hætta skvísan fer að vakna, góða helgi öll sömul

Það er orðið svo tímabært að ég láti í mér heyra hérna að það hálfa væri nóg enda komin mánuður síðan ég skrifaði síðast. Af mér og mínum er allt gott að frétta, Frikki er auðvitað byrjaður að vinna eftur sumarfrí en hann byrja að vinna þann 13 ágúst , vá það er næstum mánuður síðan. Af Evu Katrínu er allt gott í fréttum, en hún er orðin 7 mánaða pæja og er orðin ákveðin með eindæmum

Um helgina var mikið að gera við fengum mikið af gestum til okkar en Sigurþór, Arna og Áróra Líf komu í heimsókn en þetta var í fyrsta skipti sem að við sáum Áróru Líf  Það var nú aldeilis komin tími til þar sem að hún er orðin 5 mánaða gömul. Á Laugardagskvöldinu var svo Sælkerakvöld hjá okkur en um er að ræða 7 vinnufélaga Frikka ásamt mökum en í þetta skiptið komu sex vinnuféalgar ásamt mökum og við vorum því alls 14 manns að borða heima og viti menn þetta rúmaðist bara vel. Þetta kvöld heppnaðist mjög vel enda voru allir með mjög góða rétti en matseðill kvöldsins samanstóð af 3 forréttum, 2 aðalréttum og 2 eftirréttum. Við vorum því að borða frá því um 21 að kvöldi til að ganga eitt um nóttina. Það voru líka allir svo saddir eftir þetta að það var bara ekki mikið pláss fyrir áfenga drykki eftir matinn en það skal taka það fram að það var boðið upp á vín með hverjum rétti þannig að fólk var yfirleitt búið að fá sér 6-8 glös með öllum þessum dýrindis mat.

Á sunnudaginn vorum við frekar þreytt öll þrjú enda ekki skrítið eftir svona annasamt kvöld. Foreldrar mínir kíktu til okkar um hádegisbilið og svo fórum við mæðgurnar aðeins í bæinn. Síðan þegar við komum heim voru foreldrar Frikka komin í heimsókn og kvöldið endaði á því að ég fór út að borða á Ítalíu með konunum sem ég kláraði sérkennaran með og Eva Katrín var auðvitað heima hjá pabba sínum.

Það eru tvær utanlandsferðir á dagskránni hjá okkur á næstunni. Sú fyrri er reyndar ráðstefnuferð hjá Frikka en hann er að fara til Þýskalands þann 22-27 september og þá verðum við mæðgurnar einar heima á meðan. En svo er það aðalferðin en hún verður í janúar næstkomandi en þá ætlum við fjölskyldan að skella okkur til Tenerife í 3 vikur. En förinni er heitið þann 9. janúar og svo komum við heim 30. janúar. Þetta verður æðisleg ferð, ekki amalegt að fara til útlanda þegar myrkur og kuldinn er sem mestur hér á klakanum. Foreldrar Frikka koma líka ásamt Lofti bróður hans og kærustu, Bergdísi, þau fjögur verða öll í 2 vikur en svo verðum við bara ein síðustu vikuna að dúllast þrjú saman.

Ég ætla ekki að hafa þetta lengra að sinni en læt heyra aftur í mér fljótlega 

Í dag, fimmtudaginn 9. ágúst erum við Frikki búin að vera saman í 11 ár takk fyrir ekkert smá langur tími. Við gætum ss. átt 10 ára gamalt barn takk fyrir en ég er fegin því að svo sé ekki. Af okkur er allt gott í fréttumm Frikki er reyndar alveg að verða búinn með sumarfríið sitt, hann er auðvitað ekkert sérlega ánægður með það en svona er þetta, allt tekur enda um síðir. Ég vorkenni honum nú ekkert sérlega mikið þar sem að hann er að fara 2 sinnum erlendis í september og svo á hann líka 2 mánuði eftir í fæðingarorlofi. Hann er reyndar ekki alveg búinn að ákveða hvernig hann ætlar að taka þetta en er þó orðinn nokkuð viss um að hann taki alla vegna janúar alveg í orlof, það kemur svo í ljós hvernig hann hagræðir síðasta mánuðinum.

Góða gay pride helgi

Frikki er búinn að vera í 2 vikur í fríi núna og er sko búinn að hafa það gott með okkur mæðgunum. Við byrjuðum á því að fara í útilegu þarna helgina 13-15 júlí og svo erum við búin að vera meira og minna í grillveislum, ég held að við séum búin að bjóða nú þegar 4 kvöld í grill hjá okkur en þó aðallega fjölskyldunni en þó eitt kvöld var það vinur Frikka og unnusta, á morgun eru svo æskuvinkonur mínar, þær Bryndí, Begga og Tobba sem mæta hérna annað kvöld með mökum nema Tobba auðvitað, hún er svo makalaus þessi elska

Við Frikki erum líka búin að vera ótrúlega iðinn við að borða úti. Við byrjuðum á því að fara á Humarhúsið í hádeginu einn daginn, svo var farið á 3 ára brúðkaupsafmælinu í Perluna og borðað 4ra rétta máltíð takk fyrir og svo í gær fórum við á Hornið. Svo inn á milli erum við búin að vera að borða hamborgara ala Frikki sem eru þeir bestu, ég er ekki að grínast, betri en á American Style, það segja það allir hm, gjeggaðir.

Já við áttum 3 ára brúðkaupsafmæli þann 17 júlí sl. og viti menn það mundi mundu nú frekar fáir eftir þessu ég er nú frekar móðguð en iss svona er þetta bara, þetta þykir nú ekki merkilegt fyrr en maður á tugaafmæli þá kannski fer fólk að muna eftir þessu

Ég ætla að hætta núna og fara upp í rúm, það er aldrei að vita hvenær Eva Katrín vaknar en hún hefur verið ansi árrisul að undanförnu. Hún er oft að vakna 6-7 á morgnanna takk fyrir og þá er nú betra að vera búin að sofa eitthvað. 

Jæja þá er 2 vikna sumarblíðan senn á enda eða alla vegna er spáð smá rigningu um helgina, iss það verður vonandi ekki mikið þar sem að það er algjört must að verði þurft á laugardaginn, bara svona fyrir fólk sem er að gifta sig. En talandi um brúðkaup þetta sumarið er fyrsta sumarið í hvað 6 ár held ég sem að okkur Frikka er ekki boðið í brúðkaup, algjör skandall, mér finnst nefnilega svo rosalega gaman í brúðkaupum að það er spurning hvort að ég fari að blikka einhverja vinkonu mína eða þá að ég gerist kannski bara boðflenna í eitthvert brúðkaupið þann 07.07.07. Nei ég held nú ekki, það er alla vegna ekki minn stíll.

Okkur fjölskyldunni er líka boðið í boð á laugardaginn en þá er Loftur bróðir Frikka að halda stúdentsveislu, það kom að því Loftur komin með hvítan koll, ég verð nú að viðurkenna það að því hefði ég ekki trúað fyrir nokkrum árum en svona breytist fólk til hins betra. Innilega til hamingju með þennan áfanga Loftur og ég hvet þig áfram á menntabrautinni, það er best að klára þetta áður en þú og Bergdís farið að hlaða niður börnum, ég veit að hún er mér hjartanlega sammála

Ég er bara orðin þokkalega brún eftir sólina sl. daga enda komin tími til að sóla sig aðeins þar sem að ég var orðin svo hvít að það hálfa var nóg. Ég hafði bara ekkert verið í sól, almennilegri sól frá því í Ameríku árið 2005 takk fyrir, ég tek nú sl. sumar ekki með þar sem að við fengum ansi fáa sólardaga og svo var ég líka ólétt þá og var mikið að passa mig á þessari litlu sól sem kom

Það er loksins komið á hreint að Frikki verður í sumarfríi frá 16. júlí - 13. ágúst s.s. 4 vikur, það er ágætisfrí, við héldum alla vegna að fríið yrði bara 3 vikur en nei,nei hann átti bara inni eina viku í viðbót, okkur öllum til mikillar gleði. Það er nú ekki á dagskrá að fara mikið út á land þetta sumarið enda er fullt að gera hérna hjá okkur bæði innan og utandyra og því ætlum við að nota sumariðfríið hans Frikka í það að klára ýmislegt sem þarf að klára svo að allt verði orðið fínt um haustið. Þá getum við kannski farið að halda innflutningspartý, sælkerakvöld og fleira í þeim dúr.

Ég og Eva Katrín biðjum bara að heilsa en Eva verður einmitt 5 mánaða á morgun, stóra stelpan sem er næstum alveg farin að geta setið ein 

Af okkur fjölskyldunni er allt gott í fréttum enda ekki hægt annað í svona geggjaðri sumarblíðu. Ég og Eva Katrín vorum mikið úti í dag, fórum í gönguferð og sóluðum okkur aðeins í garðinum hjá ömmu Elínu með þeim afleiðingum að ég barnn. Eva fékk að sjálfsögðu vænan skammt af sólarkremi en auðvitað gleymdi ég sjálfum mér og vildi einhvern veginn ekki trúa því að ég myndi brenna en auðvitað gerðist það enda sólin þvílíkt sterk í skjóli.

 Í dag lauk fyrsta ungbarnasundnámskeiðinu hennar Evu Katrínar, hún er sko algjör sunddrottning, grætur aldrei í sundinu og er orðin þvílíkt dugleg að kafa og gera ýmsar æfingar. Við ætlum að sjálfsögðu að halda þessari færni hennar við núna í sumar með því að fara reglulega í sund, gaman, gaman.

 Ég ætla nú ekki að hafa þetta lengra að sinni en vildi bara aðeins láta heyra í mér og allir nær og fjær hafið það sem allra, allra best í verðurblíðunni.

Það er nú ekki mikið að frétta hérna frá Krókabyggðinni, nema kannski það að við mæðgurnar erum bara að njóta veðurblíðunar í botn þessa dagana og erum búnar að vera ótrúlega duglegar í gönguferðunum, tvær göngur í gær og ein löng í dag.

Frikki er auðvitað alltaf að vinna í Íslenskri erfðagreiningu á daginn og svo er hann meira og minna að vinna í verkefninu sínu, heimasíðu, gera umsóknir og pappíra á ráðstefnur og fleira og fleira. Hann er að þessu ýmist hér heima eða upp í HR sem er reyndar oftar, hann er ótrúleg duglegur verð ég að segja við það að eyða svona miklum tíma í svona vinnu og vita ekki hvort né hvenær hann fær eitthvað fyrir allt þetta erfiði en við vonum bara það besta.

Á morgun miðvikudag verð ég og Eva Katrín með bumbuhitting, þ.e. þær sem voru með mér í meðgöngusundi ætla að kíkja á morgun með litlu krílin sín, svaka fjör. Það er alltaf gaman að geta talað um ungabörn og allt sem að þeim fylgir við stelpur/konur sem eru að gera nákvæmlega sömu hluti og maður sjálfur á sama tíma, bara bráðnauðsynlegt, svo að þær sem ekki eru að gera þessa hluti, fái ekki bara nóg af mér, æi þið skiljið, núna er ég bara farin að bulla held ég, er kannski bara komin með sólsting

Á  morgun. 13. júní á föðurafi Frikka afmæli sen hann er 90 ára gamall takk fyrir það er ekkert smá aldur. Innilega til hamningju með það Kristinn og Ási til hamingjumeð pabba þinn, við sjáumst nú seinnipartinn á morgun.

Ég má til með að rekja hérna símasögu okkar Frikka sl. mánuð eða svo. Þetta byrjaði allt á því að þegar við fengum send öll nýju heimilistækin okkar voru þau á mínu gsm númeri þannig að það yrði hringt í mig áður en gaurarnir kæmu með öll tækin en nei viti menn gsminn minn datt út, þannig að ég gat hvorki hringt né hægt að hringja í minn síma great. Því betur fer kom Frikki í tæka tíð, hringdi í gaurana og þetta reddaðist. Ég hugsaði þarna á þessari stundi að ég myndi bara fá nýjan gsm í afmælisgjöf fyrst að þessi vari dead en nei, nei hann bara datt inn aftur akkúrat viku fyrir afmælið eða svo, þannig að ég fékk auðvitað ekki gsm í afmælisgjöf í þetta skiptið.

Ég var nú þegar búin að tala hérna um síma og netleysið okkar hérna fyrstu 2 vikurnar eftir að við fluttum inn takk fyrir. En það var ekki nóg um það því að um einni viku eftir afmælið mitt datt gsminn minn aftur út, alveg sama sagan og síðast great hugsaði ég en þetta var reyndar þegar heimasíminn var kominn í lag eða svo héldum við þar til að fólk fór að tala um hvað Hildur gjörsamlega lægi í símanum, hún hefði náttúrulega ekkert betra að gera en að tala í síman er það ekki

En nei aldeilis ekki þá var það þannig með heimasíman í nokkra daga að við gátum hringt úr honum, því betur fer því að annars væri ég alveg símalaus en fólk gat ekki hringt í okkur einhverra hluta vegna en nei, nei á meðan að þessu stóð að þá datt gsminn hans Frikka líka út því að hann var búinn að segja símanum upp og var að bíða eftir að fá símkort frá Ogvodafone Ég er ekki að grínast. Það var líka þannig eitt kvöldið og það meira að segja á kostningakvöldið að við Frikki og Eva Katrín voru bara heima í rólegheitum ný búin að borða nautsteik og allt (Eva fær auðvitað bara steikina í gegnum brjóstamjólk 2-3 tímum síðar) að þá er barið á dyrnar, þá var það hún mamma mín alveg lafmóð og vildi bara athuga hvort að það væri allt í lagi með okkur  Jú auðvitað er í lagi bíddu af hverju spyrðu af því spyr ég á móti, þá hafði hún verið að reyna að ná í okkur og hringt í alla 3 símana en engin svaraði, hún byrjaði að sjálfsögðu að ímynda sér það versta þannig að af stað fór hún til að tékka á okkur, frekar skondið svona eftir á að hyggja.

En Frikki hringdi í Ogvodafone og heimasímanum var kippt í lag strax á mánudeginum eftir en þá var sagt að honum hefði verið sent símakortið fyrir 2 vikum svo að það var leitað en auðvitað var það ekki rétt, alla vegna hafði kortið ekki komið hingað. En Frikki er búinn að redda því og gsminn hans er orðin tengdur og svo í gærkvöldi fékk ég sendan nýja gsminn minn Ég er ekkert smá ánægð með hann en hann er dökkbleikur að lit að sjálfsögðu, ótrúlega flottur og virkar vel. Þannig að símamálin okkar eru loksins komin í lag eftir rúmlega mánaða ógöngur takk fyrir, það er líka alveg ótrúlegt hvað fólk stólar á þetta, fólk var að senda mér SMS og svo var það bara hissa af hverju ég svaraði ekki eða kom ekki Fólk setur allt sitt traust á tæknina en hún getur auðvitað klikkað eins og annað

Þótt ótrúlegt megi virðast að þá erum við búin að búa í einn mánuð í húsinu upp á dag, svakalegt hvað þetta líður. En það er líka alveg ótrúlegt hvað maður er fljótur að aðlagast nýjum aðstæðum, okkur fannst auðvitað fyrst húsið vera ansi stórt eða alla vegna þokkalega rúmt um okkur miðað við bílskúrskitruna en svo núna er maður bara alveg búin að venjast öllu þessu rými. En bara svo að fólk átti sig á þessari stækkun fyrir okkar að þá má eiginlega segja að bílskúrinn jafngildi báðum svefnherbergjunum eða 25 fm, þannig að stofan, eldhúsið, baðherbergis og þvottahúsið er viðbótin sem er ekkert smá.

Við erum alla vegna mjög ánægð í húsinu og ætlum okkur ekki að flytja fyrr en þegar það er gjörsamlega sprungið utan af okkur, þ.e.a.s. þegar við erum komin með 2 börn og kannski það þriðja á leiðinni, nei ég segi nú bara svona. Alla vegna að þá erum við Frikki ekki það hrifinn af því að flytja enda bæði alveg svakalega vanaföst, það er líka bara mikil vinna og mjög dýrt að skipta um húsnæði í dag, þökk sé blessaðra stimpilgjaldana sem margir ef ekki nánst allir flokkar lofuðu að leggja strax eða um leið og það hentar niður, hehehe sé það að fara að gerast, alla vegna ekki í bráð. Við vorum líka að ræða það um daginn að næst þegar við flytjum verður það í drauma einbýlishúsið með 5 svefnhverbergjum, tvöföldum bílskúr, verönd, heitum potti og helst óupphituðum kjallara þar sem að Frikki getur geymt vínin sín, sjáið þið hann ekki í anda

Það eru margir að spyrja mig að því hvort að mér sé ekki farið að leiðast í fæðingarorlofinu, leiðast segi ég bara er ekki allt í lagi Í fyrsta lagi að þá finnst mér ég bara ný byrjuð í fæðingarorlofinu ef orlof skyldi kallast. Því að þetta var bara svo mikil breyting sérstaklega fyrsta mánuðin, bara að jafna sig eftir fæðinguna og venjast því að vera orðin mamma, svo fór maginn á Evu að segja til sín og þá var ég í 150% vinnu myndi ég segja alla vegna ekki mikið sofið, svo voru það framkvæmdir, flutningar og skírn, allt tekur þetta sinn tíma að undirbúa og fleira þannig að mér finnst ég ný byrjuð í fæðingarorlofi alla vegna ný farin að njóta þess og ætla sko að gera áfram sérstaklega er skemmtilegur tími framundan allt sumarið til stefnu vonandi með tilheyrandi hita og sólarblíðu, þar sem að við ætlum ekki erlendis þetta sumarið enda buddan tóm og Eva aðeins of lítil finnst mér, við ætlum til sólarlanda í staðin sumarið 2008 og þá verðum við örugglega í 3 vikur ef ég þekki okkur nautnaseggina rétt

Jæja, þá er stúlkan okkar loksins komin með nafn en hún heitir því fallega nafni Eva Katrín Friðriksdóttir. En þetta nafn er bara svona út í loftið eins og maður segir, hún er því ekki skírð í höfuðið á neinum og hún á enga alnöfnu þó svo að það séu reyndar til 15 Evu Katrínar í þjóðskránni að þá er engin önnur Friðriksdóttir.

Eva Katrín var sem sagt skírð í gær sunnudaginn 6. maí kl:11 í Lágafellskirkju en presturinn heitir Jón Þorsteinsson sem skírði hana sá sami sem að gifti okkur og fermdi mig. Skírnarvottar voru ömmurnar þ.e. Elín og Svava og svo hélt ég á henni undir skírn, frekjan ég. Nei reyndar ekki, því að Frikki var nú alveg inn á því að ég ætti að halda á henni en ekki einhver annar.

Dagurinn gekk ljómandi vel í alla staði, og Eva Katrín var eins og engill bæði í athöfninni og í veislunni. Hún byrjaði reyndar aðeins að verða óróleg í miðri messunni en þá fór ég bara afsíðis og gaf henni og þá sofnaði hún fljótt og svaf reyndar alveg þangað til í miðri veislu.

Áðan fórum við í 3ja mánaða skoðun á Heilsugæslunni því að Eva Katrín varð einmitt 3ja mánaða í gær, stór dagur það. Hún er því orðin rúm 6 kg og 63 cm og er því yfir meðaltali í bæði hæð og þyngd, að sjálfsögðu, hún er líka frekar sterk að eðlilsfari því að hún er hreinlega farin að vilja standa í fæturnar þessi krútta.

Jæja, þá ætla ég loksins að láta aðeins í mér heyra eftir að við fluttum inn í húsið. Við erum búin að koma okkur alveg þokkalega vel fyrir þó svo að það sé samt ýmislegt smotterý eftir en við verðum að vera ótrúlega dugleg þessa vikuna þar sem að skírnin hjá skvísunni er næstkomandi sunnudag og veislan verður auðvitað haldin í húsinu og því þarf allt að vera orðið fínt og flott

Það eru nú ekki margir búnir að kíkja við nema bara fjöskyldan sem er nú bara ágætt þar sem að við höfum bara verið að koma okkur fyrir. Það er þó eitt sem er mest pirrandi en það er síma og netleysið, þetta er svakalegt í dag er 17 dagurinn frá því að Frikki sótti um net og síma hjá OgVodafone takk fyrir það er nú meira hvað viðskiptin hjá þessu blessaða fyrirtæki ætla að byrja vel eða þannig. En þetta er sko 3 fyrirtækið sem við erum hjá á innan við 3 ár því að það er alltaf eitthvað að. Það er nú kannski líka af því að við erum náttúrunlega orðin alveg svakalega kröfuharðir neitendur í sambandi við netið

Ég er því núna á netinu hjá foreldrum mínum og litla skvísa sefur vært í vorblíðunni í vagninum sínum. Ég ætla því ekki að hafa þetta lengra að sinni en læt í mér heyra um leið og við fáum netið, hvenær sem það verður.

Jæja, loksins, loksins er komið að því að flytja. Það mun ss. gerast á morgun laugardag, það er ágætt er ekki alltaf sagt að fólk eigi að flytja á laugardögum, ekki það að það sé ástæðan fyrir flutningnum á morgun heldur að það allra nauðsynlegasta verður komið þá, jibíí loksins, loksins ótrúlegt en satt.

Spáiði í það að við fengum húsið afhent fyrir rúmum 7 vikum en svona er þetta þegar fólk ræðst í svona framkvæmdir, þetta tefst auðvitað alltaf það er bara venjan. Annars hefur pabbi verið mikið í því hlutverki að undanförnu að róa okkur Frikka niður og segja að allt svona taki sinn tíma þegar við höfum verið orðin eitthvað óþolinmóð, pabbi sagði mér það meira að segja að svona eldhúsfræmkvæmdir geti tekið allt upp undir eitt ár, alla vegna veit hann um dæmi til þess.

 Ég hef voðalega lítið látið heyra í mér, hvorki hér né á barnalandssíðunni en það er hreinlega sökum anna og svo er bara skvísan mín farin að vaka meira á daginn og þá gefur það augaleið að það er minni tími til að blogga og hanga á netinu.

Ég er alla vegna alveg í skýjunum yfir því að geta loksins flutt og þá getum við sagt við fólk já við erum flutt en ekki bara nei reyndar ekki og þá spyr fólk alltaf hvernær flytji þið, ég meina það, það er bara því miður mjög erfitt að segja þegar svonð hugsa a stendur á, það er ekki eins og við höfum fengið afhent, málað og flutt inn oh nei. Ég ætla sko að geyma vel myndirnar af húsinu fyrir framkvæmdir svo að fólk geti séð hvað við erum búin að gera mikið.

Ég er hugsa um að hætta núna og nota tíman á meðan skvísa sefur ennþá að halda áfram að pakka niður, það er alveg ótrúlegt hvað við eigum mikið miðað við að hafa aldrei búið í okkar sér íbúð, við eigum allt í eldhúsið eins og það leggur sig á meðan að við eigum reyndar engin húsgögn en við erum nú samt bara búin að redda því.

Við erum búin að fá ýmist lánað eða gefins sófa, sófaborð borðstofuborð og stóla og svo eigum við svona smotterý sjálf auðvitað. Það sem reddar okkur líka er að stofan er ekkert sérstaklega stór miðað við að húsnæðið sé 97 fm en hún virðist samt ekkert lítil vegna þess að lofthæðin er svo mikil í húsinu.

Jæja nú er ég hætt en ég læt heyra í mér um leið og við erum komin með netið í nýja húsinu. 

Jæja, þá er það orðið nokkuð öruggt að við munum flytja inn í húsið í næstu viku Við hlökkum ekki lítið til. Það er nú ekki komið á hreint hvaða dag það verður en alla vegna einhvern tíman i vikunni. Staðan er nefnilega núna þannig að það er allt tilbúið nema eldhúsið en þar er eftir að koma rafmagninu í gang ásamt því að koma fyrir vaski í innréttingunni, setja upp uppþvottavélina og klára smá af innréttingunni í kringum ísskápinn. En hluti af þessu verður gert um helgina og svo ætlar Ási að koma og vinna í þessu fyrir okkar á mánudaginn, þannig að eftir það ættum við að geta farið að flytja.

Síðastliðna 3 daga hef ég verið mjög dugleg að þrífa húsinu og það ekkert smá þrifnað því að það er alveg merkilegt hvað það verður mikill skítur eftir svona framkvæmdir sérstaklega vegna flísalagnanna. En alla vegna ég er búin að þrífa það mesta og því bara smávegis eftir sem ég tek um helgina eins og að bóna parketið og fleira slik fínpússun.

Ég get alla vegna varla beðið eftir því að flytja inn en ég verð aðeins að bíða róleg í nokkra daga í viðbót enda er ég að þrífa og pakka niður núna s.s. fötum og svona þessu smávægilega sem var eftir.

Ég læt þetta duga í bili og læt heyra í mér fljótlega en það verður e.t.v. síðasta bloggið hér frá Reykjaveginum, kominn tími til